நாட்டில் நிலவும் காலநிலை காரணமாக செப்டம்பர் மாத இறுதியில் இருந்து டெங்கு நோயாளர்கள் கணிசமாக அதிகரித்துள்ளதாக அரசாங்க சுகாதார பூச்சியியல் அதிகாரிகள் சங்கம் தெரிவித்துள்ளது. இதுவரை 38,000 டெங்கு நோயாளர்கள் பதிவாகியுள்ளதாக சங்கத்தின் தலைவர் நஜித் சுமனசேன தெரிவித்துள்ளார். 20 சுகாதார வைத்திய அதிகாரி (MOH) பிரிவுகளில் நோயாளர்களின் எண்ணிக்கை அதிகரித்துள்ளதாக அவர் மேலும் குறிப்பிட்டார்.

இந்த வருடத்தின் இதுவரையான காலப்பகுதியில் நாட்டில் பதிவாகியுள்ள டெங்கு நோயாளர்களின் எண்ணிக்கை 38,000ஐ தாண்டியுள்ளதாக தேசிய டெங்கு கட்டுப்பாட்டு பிரிவு தெரிவித்துள்ளது. குறிப்பாக கொழும்பு, கம்பஹா மற்றும் களுத்துறை ஆகிய மாவட்டங்களில் கணிசமான எண்ணிக்கையில் நோயாளர்கள் பதிவாகியுள்ளதாக தேசிய டெங்கு கட்டுப்பாட்டு பிரிவின் ஆலோசகர் சமூக வைத்தியர் அனோஜா தீரசிங்க தெரிவித்தார். “எதிர்காலத்தில் இந்த எண்ணிக்கையை குறைக்க தேவையான நடவடிக்கைகள் எடுக்கப்பட்டு வருகின்றன. கொழும்பு, களுத்துறை மற்றும் கம்பஹாவைத் தவிர, கண்டி, காலி, மாத்தறை, குருநாகல், கேகாலை…